នៅរសៀលថ្ងៃចន្ទ ទី៩ ខែកញ្ញា ឆ្នាំ២០២៤ ស្ថិតនៅវិទ្យាល័យថ្មពួក ឃុំថ្មពួក ស្រុកថ្មពួក ខេត្តបន្ទាយមានជ័យ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ រួមជាមួយ ឯកឧត្តម អ៊ី ឡុង សមាជិករដ្ឋសភា ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម ហ៊ូ ប៊ុនហេង សមាជិកក្រុមប្រឹក្សាខេត្ត បានរៀបចំកិច្ចប្រជុំដើម្បីពិនិត្យវឌ្ឍនភាពការងារជួសជុលអគារបច្ចេកទេសបណ្តុះបណ្តាលវិជ្ជាជីវៈកំរិតមូលដ្ឋាន។ ដំណើរការនៃការជួសជុលនឹងបញ្ចប់រួចរាល់១០០រយភាគរយ ក្នុងរយៈពេលសប្តាហ៍ខាងមុខ។ សូមជម្រាបជូនថា អគារនេះ ត្រូវបានខូចខាតផ្នែកខ្លះៗដោយសាររងគ្រោះធម្មជាតិដោយខ្យល់កន្ត្រាក់នាពេលកន្លងមក។ នាឱកាសនោះ ឯកឧត្តម និងក្រុមការងារ បានបន្តទៅពិនិត្យជាក់ស្តែងទីតាំងជួសជុលអាគារ ព្រមទាំងបានគៀងគរថវិកាពីក្រុមការងារបានចំនួន៣.០០០ដុល្លារអាមេរិក ដើម្បីបង្រ្គប់ក្នុងការជួសជុលអគារ ផងដែរ។ ជាមួយគ្នានេះ ឯកឧត្តម ហ៊ូ ប៊ុនហេង បានបញ្ជក់ជូនថា កម្មវិធីបើកវគ្គបណ្ដុះបណ្ដាលបានត្រៀមរៀបចំរួចរាល់ហើយ នៅតែពេលវេលាកំណត់ជាក់លាក់។